Tesla, Inc. ka njoftuar planet për të ndërprerë prodhimin e dy modeleve të saj ikonike, Tesla Model S dhe Tesla Model X.

Sipas raportimeve, kompania po e zhvendos fokusin drejt projekteve të reja, përfshirë zhvillimin e robotëve dhe teknologjive të automatizimit.

Para se të dalin nga prodhimi, Tesla do të lançojë një seri të kufizuar “Signature Series” për të dy modelet, me elementë ekskluzivë dizajni dhe detaje luksoze si emblema prej ari dhe pllaka numerike në brendësi.

Do të prodhohen vetëm 250 njësi të Model S dhe 100 njësi të Model X, të cilat do të jenë të disponueshme vetëm me ftesë nga kompania.

Ky hap shënon fundin e një epoke për dy nga modelet më të njohura të Tesla-s.