Sipas një letre drejtuar kryetarit Përparim Rama, borxhi total i ndërmarrjes arrin në rreth 900,000 euro dhe përfshin obligime të papaguara nga projekti i digjitalizimit, qiratë, detyrimet ndaj Policisë së Kosovës, si dhe sigurimet shëndetësore.

Një nga arsyet kryesore të rënies financiare është vendimi i Gjykatës Supreme, i cili ka ndikuar drejtpërdrejt në uljen e të hyrave deri në 70%, duke shkaktuar humbje të konsiderueshme financiare për ndërmarrjen.

Pavarësisht kësaj situate, ndërmarrja vazhdon aktivitetin në bashkëpunim me institucionet komunale, ndërsa ende nuk ka një përgjigje zyrtare nga Komuna e Prishtinës lidhur me kërkesën për mbështetje financiare.