Bregu i liqenit vazhdon të ndotet nga mbeturinat e vizitorëve, të cilat përmes erës përfundojnë në ujë. Ndërkohë, afërsia me magjistralen Prishtinë–Gjilan paraqet rrezik shtesë për kontaminim nga derivatet e automjeteve, përfshirë vajrat dhe substancat kimike.

Ekspertët paralajmërojnë për ndikimin e këtyre ndotjeve në shëndetin publik dhe ekosistem, duke përmendur edhe rrezikun nga mikroplastika.

Nga ky burim furnizohen me ujë të pijshëm rreth 25% e banorëve të Prishtinës dhe mbi 100 fshatra përreth. Institucionet kanë paralajmëruar masa për digjitalizimin e inspektimit, në mungesë të kapaciteteve të mjaftueshme njerëzore, me qëllim rritjen e kontrollit dhe mbrojtjes së zonave të ndjeshme.