Objektet, që i përkasin qytetërimit të lashtë të Dakisë, u transportuan të martën në aeroportin Henri Coandă në Bukuresht dhe më pas u vendosën nën mbrojtje të rreptë në Muzeun Historik Kombëtar të Rumanisë.

Sipas autoriteteve, pjesa më e madhe e thesareve është rikuperuar pas 14 muajsh hetimesh ndërkombëtare dhe procesesh gjyqësore në vazhdim. Një nga byzylykët mbetet ende i zhdukur.

Zyrtarët e muzeut dhe të kulturës e kanë cilësuar rikthimin si një moment me rëndësi të veçantë historike dhe emocionale, duke theksuar njëkohësisht edhe rrezikun që i kanoset trashëgimisë kulturore nga vjedhjet dhe trafikimi ilegal.

Objektet pritet të ekspozohen për publikun në Bukuresht para se t’i nënshtrohen restaurimit.