Sipas tij, këto aktivitete përfshijnë përdorimin e dhjetëra mijëra llogarive të rreme dhe mjeteve të sofistikuara për të nxjerrë informacion të ndjeshëm dhe për të transferuar aftësi nga modelet amerikane të AI-së.

Në fokus të këtyre akuzave është edhe procesi i njohur si “distillation”, i cili përdoret për transferimin e njohurive nga modele të mëdha në modele më të vogla dhe më të lira për përdorim.

Kompanitë si OpenAI dhe Anthropic kanë shprehur më herët shqetësime se ky proces mund të përdoret për të imituar padrejtësisht modelet e tyre.

Sipas deklaratave, SHBA po shqyrton masa të reja për të forcuar mbrojtjen e teknologjisë së saj të AI-së dhe për të bashkëpunuar me sektorin privat në parandalimin e aktiviteteve të tilla.

Ky zhvillim vjen në kuadër të garës globale për dominim në fushën e inteligjencës artificiale mes SHBA-së dhe Kinës.