Ekspertët e sigurisë kibernetike po paralajmërojnë për të ashtuquajturën “Q-Day” – dita kur kompjuterët kuantikë mund të jenë në gjendje të thyejnë enkriptimet që mbrojnë shumicën e komunikimeve në internet.

Sipas raportimeve të fundit, kompani si Google dhe ekspertë të fushës vlerësojnë se ky zhvillim mund të bëhet real që në vitin 2029, duke shkurtuar ndjeshëm kohën për përgatitje të sistemeve të sigurisë.

Sistemet aktuale të enkriptimit mbrojnë të dhëna si transaksionet bankare, emailet dhe të dhënat personale. Por kompjuterët kuantikë, përmes “qubits”, mund të kryejnë llogaritje shumë më komplekse sesa kompjuterët klasikë, duke rrezikuar thyerjen e këtyre mbrojtjeve.

Ekspertët paralajmërojnë edhe për rrezikun e sulmeve “ruaj tani, deshifro më vonë”, ku të dhënat e sotme mund të mblidhen dhe të hapen në të ardhmen kur teknologjia të jetë mjaft e avancuar.

Megjithatë, institucione si National Institute of Standards and Technology dhe kompani teknologjike po punojnë në zhvillimin e enkriptimit të ri “post-kuantik”, me synim forcimin e sigurisë dixhitale në vitet e ardhshme.