Rrjetet e reja satelitore pritet të ndryshojnë mënyrën se si komunikojmë, duke mundësuar lidhje telefonike pothuajse nga çdo cep i botës – edhe në zona ku nuk ka fare mbulim tradicional të rrjetit.

Sipas një raporti të programit teknologjik të BBC-së, Tech Now, teknologjia e re synon që telefonat mobilë të lidhen direkt me satelitët, duke reduktuar problemet me mungesën e sinjalit, sidomos në zona të largëta apo gjatë emergjencave.

Ekspertët vlerësojnë se kjo mund të ndikojë jo vetëm në komunikim, por edhe në udhëtime, siguri dhe reagime më të shpejta në situata krizash.

Nëse teknologjia zhvillohet me sukses, e ardhmja mund të sjellë një botë ku “nuk kam sinjal” mund të bëhet shprehje e së kaluarës.