Sipas statistikave, gjatë vitit 2025 u regjistruan 22,541 lindje dhe 21,394 vdekje, duke sjellë një shtesë natyrore prej vetëm 1,147 personash. Megjithatë, kjo rritje është neutralizuar nga emigracioni, pasi mbi 28 mijë persona më shumë janë larguar nga vendi sesa janë kthyer apo vendosur në Shqipëri.

Të dhënat tregojnë se rënia e popullsisë prek veçanërisht grupmoshat e reja, deri në moshën 34-vjeçare, ndërsa numri i personave mbi 65 vjeç ka shënuar rritje. Si rezultat, mosha mesatare e popullsisë është rritur nga 44.3 në 45 vjeç.