Sipas raportit, vetëm 23% e popullsisë aktive në punë pritet të ketë kursime të mjaftueshme për një standard “mesatar” jetese pas pensionimit. Për një person, një jetë mesatare në pension vlerësohet të kushtojë rreth 32,700 paund në vit, ndërsa për një çift rreth 45,400 paund.

Raporti thekson se rritja e kostos së jetesës, veçanërisht ushqimi dhe aktivitetet sociale, ka rritur ndjeshëm edhe koston e pensionimit. Ndërkohë, vetëm 9% e punëtorëve pritet të arrijnë një standard “komod” jetese pas pensionit.

Ekspertët po bëjnë thirrje për më shumë kursime dhe mbështetje nga qeveritë e punëdhënësit për të shmangur vështirësitë financiare në të ardhmen.