Përdorimi i kompjuterëve mund të ndryshojë ndjeshëm në vitet e ardhshme, pasi kompani të mëdha teknologjike po investojnë në sisteme që mund të kryejnë detyra vetë, vetëm përmes komandave të përdoruesit.

Nvidia, Microsoft dhe Google kanë prezantuar teknologji të reja që synojnë të fuqizojnë të ashtuquajturit “AI agents” – asistentë inteligjentë që mund të organizojnë detyra komplekse pa ndërhyrje të vazhdueshme.

Këto sisteme mund të ndihmojnë në planifikimin e takimeve, organizimin e emaileve, kërkime online apo edhe kryerjen e proceseve më komplekse në kompjuter.

Ndërkohë, Nvidia ka prezantuar një çip të ri për laptopë që mund të përpunojë detyra të inteligjencës artificiale pa pasur nevojë për lidhje me cloud, ndërsa Microsoft po zhvillon një asistent të ri për paketën Microsoft 365.

Megjithatë, ekspertët paralajmërojnë se teknologjia ende nuk është gati për përdorim masiv, pasi pajisjet mund të jenë të shtrenjta dhe ekzistojnë shqetësime për besueshmërinë e inteligjencës artificiale në detyra të rëndësishme.