Banka Qendrore e Japonisë (BOJ) ka rritur normën kryesore të interesit në 1%, nga 0.75%, duke arritur nivelin më të lartë në 31 vitet e fundit.

Ky vendim vjen pas rritjes së çmimeve të energjisë në nivel global dhe presioneve inflacioniste që kanë prekur ekonominë japoneze. Normat e interesit në Japoni ishin mbajtur pranë zeros për dekada, pas krizës ekonomike të viteve ’90.

Sipas ekspertëve, Japonia po kalon nga një periudhë deflacioni në një cikël inflacioni, duke e shtyrë bankën drejt normalizimit të politikës monetare.

Megjithatë, rritja e normave sjell edhe sfida, pasi mund të rrisë kostot e huamarrjes për bizneset dhe qeverinë, ndërsa synimi kryesor mbetet stabilizimi i inflacionit dhe forcimi i jenit japonez.