Qeveria e Mbretërisë së Bashkuar ka njoftuar një plan të ri që ndalon përdorimin e rrjeteve sociale për personat nën moshën 16 vjeç, në një përpjekje për të rritur sigurinë online të të rinjve.

Kryeministri Keir Starmer ka bërë të ditur se masa do të ndjekë modelin e Australisë dhe pritet të përfshijë edhe kufizime për adoleshentët 16 dhe 17 vjeç, përfshirë edhe kufizime të mundshme të përdorimit gjatë natës.

Sipas autoriteteve, qëllimi i kësaj mase është mbrojtja e fëmijëve nga rreziqet e internetit, megjithëse ekspertët kanë ngritur shqetësime për mënyrën e zbatimit dhe efektivitetin e saj.

Plani pritet të hyjë në fuqi vitin e ardhshëm, ndërsa kompanitë teknologjike do të kenë afat të përshtatin platformat e tyre me rregullat e reja.