Një sondazh global tregon se për herë të parë më shumë banka qendrore planifikojnë të ulin rezervat në dollar amerikan sesa t’i rrisin ato në dekadën e ardhshme.

Sipas raportit të publikuar nga Official Monetary and Financial Institutions Forum, ky ndryshim vjen në një kohë të rritjes së rrezikut gjeopolitik dhe pasigurisë në politikën ndërkombëtare të SHBA-së.

Studimi me 74 banka qendrore tregon se interesi për monedha alternative si euro dhe renminbi është në rritje, ndërsa ari po fiton rol gjithnjë e më të madh si aset mbrojtës.

Megjithatë, dollari amerikan mbetet ende valuta dominuese në rezervat globale, duke ruajtur pjesën më të madhe të tregut.