Një hulumtim i BBC ka ngritur shqetësime serioze për sistemin e reklamave në platformën Instagram, duke raportuar se disa reklama të papërshtatshme kanë kaluar filtrat e moderimit dhe janë shfaqur për përdoruesit.

Sipas raportimit, reklamat lidhnin përdorues drejt përmbajtjeve në Telegram, ndërsa disa prej tyre janë konsideruar në kundërshtim me politikat e platformave.

Kompania mëmë e Instagram-it, Meta, ka deklaruar se ka ndërmarrë masa, përfshirë heqjen e reklamave problematike dhe pezullimin e llogarive përkatëse.

Çështja ka hapur debat të ri për mënyrën se si kontrollohen reklamat dhe përmbajtjet në platformat sociale, si dhe për rolin e inteligjencës artificiale në moderim.