Me ardhjen e verës, mbrëmjet në ballkon apo me dritare të hapura shpesh prishen nga “mysafirët” më të bezdisshëm: mushkonjat. Përveç dritareve pa rrjeta, ekzistojnë disa zakone të përditshme që pa e ditur po i tërheqin këto insekte në shtëpitë tona.

Ekspertët veçojnë 8 gabimet kryesore që duhet t'i shmangni:

• Uji i ndenjur: Enët e luleve, kovat, apo pishinat e fëmijëve janë vende ideale ku mushkonjat lënë vezët.

• Mungesa ose dëmtimi i rrjetave: Edhe një vrimë e vogël në rrjetë mjafton që ato të hyjnë brenda.

• Ujitja e tepërt e bimëve: Uji që mblidhet në pjatat e vazove i tërheq ato menjëherë.

• Dritaret e hapura në muzg: Mushkonjat tërhiqen nga nxehtësia e trupit, aroma dhe dioksidi i karbonit që nxjerrim.

• Mospërdorimi i ventilatorit: Ajri në lëvizje ua vështirëson fluturimin mushkonjave.

• Lënia e dyerve hapur: Hyrje-daljet e shpeshta në ballkon u krijojnë rrugë të lirë.

• Aromat dhe djersa: Parfumet e forta dhe djersa i tërheqin ato edhe më shumë gjatë natës.

• Mbështetja vetëm te spërkatësit (repelentët): Këto produkte ndihmojnë, por nuk kryejnë punë nëse shtëpia nuk është e mbrojtur me rrjeta.