Përdorimi i inteligjencës artificiale ka sjellë edhe sfida të reja për sigurinë online të adoleshentëve. Një studim i ri tregon se një numër i madh të rinjsh janë ekspozuar ndaj përmbajtjeve seksuale të krijuara me AI.

Sipas hulumtimit të Common Sense Media, rreth 75% e adoleshentëve kanë parë pornografi online, ndërsa pothuajse gjysma kanë hasur përmbajtje që besojnë se është krijuar nga inteligjenca artificiale.

Studimi tregon gjithashtu se disa të rinj kanë krijuar ose njohin persona që kanë krijuar imazhe dhe video të rreme seksuale me AI, shpesh duke përdorur mjete që manipulojnë fotografitë e njerëzve pa pëlqimin e tyre.

Ekspertët paralajmërojnë se këto teknologji mund të ndikojnë në mënyrën se si të rinjtë e kuptojnë privatësinë, pëlqimin dhe imazhin për trupin e tyre. Ata kërkojnë më shumë edukim dhe biseda të hapura mes prindërve, shkollave dhe të rinjve.