Një stuhi e fuqishme ka rritur rrezikun për përmbytje të mëdha në verilindje të Shteteve të Bashkuara, duke prekur veçanërisht qytetet Nju Jork dhe Filadelfia.

Më shumë se 36 milionë persona janë nën paralajmërime për përmbytje, pasi në disa zona pritet të bien reshje që mund të tejkalojnë sasinë mesatare të shiut për një muaj të tërë.

Meteorologët parashikojnë reshje prej 5 deri në 12 centimetra, ndërsa në disa zona mund të ketë edhe sasi më të larta. Rreziku kryesor është që reshjet intensive të bien brenda një kohe të shkurtër, duke mbingarkuar sistemet e kanalizimit në zonat urbane.

Autoritetet kanë raportuar tashmë për rrugë të përmbytura dhe disa operacione shpëtimi, ndërsa mijëra fluturime janë anuluar në aeroporte të ndryshme të rajonit.

Ekspertët thonë se reshjet ekstreme po bëhen më të shpeshta si pasojë e ndryshimeve klimatike, pasi temperaturat më të larta lejojnë atmosferën të mbajë më shumë lagështi.