Sulmuesi shqiptar Dailon Ramadani ka bërë një hap të rëndësishëm në karrierën e tij duke nënshkruar kontratë dyvjeçare me klubin kroat NK Karlovac. Futbollisti 20-vjeçar, i lindur në Gjermani, vjen pas eksperiencave te akademia e Grasshopper Club Zurich dhe NK Hrvace, ndërsa për një periudhë ishte edhe në prova te Dinamo Zagrebi.

Ramadani e cilësoi transferimin si mundësinë e duhur për të fituar vazhdimësi dhe për të dëshmuar vlerat e tij si profesionist. Ai synon të ndihmojë NK Karlovac në objektivin për promovim në Ligën e Parë kroate, ndërsa në planin afatgjatë shpreson të arrijë një nivel edhe më të lartë në futbollin evropian dhe të tërheqë vëmendjen e Kombëtares së Shqipërisë.