Kylian Mbappe ka publikuar në Instagram disa fotografi nga pushimet verore, duke nxitur menjëherë spekulime për jetën e tij private. Në një prej imazheve shfaqet një grua e fotografuar nga pas, pa iu dalluar fytyra, ndërsa shumë ndjekës besojnë se bëhet fjalë për aktoren spanjolle Ester Exposito. Sulmuesi i Real Madridit ndau momente nga relaksi në jaht, noti, shëtitjet dhe perëndimi i diellit, pa zbuluar se me kë po i kalon pushimet.

Dyshimet janë forcuar pasi javë më parë mediat publikuan fotografi paparacësh ku Mbappe dhe Exposito shiheshin së bashku gjatë pushimeve. Megjithatë, as futbollisti francez dhe as ylli i serialit "Elite" nuk kanë konfirmuar publikisht një lidhje romantike, duke vijuar ta mbajnë jetën e tyre private larg syrit të publikut.