Audi po rikthen modelin legjendar A2, kësaj radhe si një veturë plotësisht elektrike, me fokus të veçantë te efikasiteti dhe kursimi i energjisë. Sipas kompanisë, A2 e-tron do të jetë modeli më ekonomik i prodhuar ndonjëherë nga marka, me konsum të parashikuar prej vetëm 12,8 kWh për 100 kilometra në versionin me 190 kuaj fuqi. Efikasiteti arrihet falë aerodinamikës së përmirësuar, motorit elektrik të optimizuar dhe teknologjive të reja elektronike.

Modeli pritet të pajiset me bateri 61 kWh me teknologji LFP, e cila ofron jetëgjatësi më të madhe dhe mbështet karikimin e shpeshtë deri në 100 për qind, si edhe funksione të karikimit dykahësh për furnizimin e pajisjeve ose shtëpisë me energji. I frymëzuar nga A2 origjinal i viteve 1999–2005, modeli i ri pritet të prezantohet zyrtarisht në vjeshtën e vitit 2026, ndërsa dalja në treg është planifikuar për fundin e vitit 2026 ose fillimin e vitit 2027.