Cristiano Ronaldo ka lënë të kuptohet se ky mund të jetë viti i fundit i tij si futbollist profesionist, pas një karriere prej 25 vitesh të mbushur me rekorde dhe trofe.

41-vjeçari, i konsideruar ndër futbollistët më të mëdhenj në histori, ka fituar pesë çmime Ballon d’Or dhe ka luajtur për klube si Manchester United, Real Madrid dhe Juventus.

Në një intervistë për Vogue, Ronaldo tha se dëshiron të largohet nga futbolli duke lënë një trashëgimi të jashtëzakonshme dhe se mezi pret të kalojë më shumë kohë me familjen.

Megjithatë, para pensionimit, portugezi ka edhe një objektiv të madh: 1 mijë gola në karrierë. Aktualisht ai ka shënuar 976 gola për klubin dhe kombëtaren dhe mund ta arrijë këtë rekord gjatë sezonit të ri me Al-Nassr në Arabinë Saudite.

Ronaldo gjithashtu u bë këtë verë futbollisti i parë që luajti në gjashtë Kupa të Botës.

Nëse vendos të tërhiqet, fundi i karrierës së tij do të shënonte mbylljen e një prej kapitujve më të jashtëzakonshëm në historinë e futbollit.