Real Madridi ka mbyllur një afat kalimtar veror me rreth 225 milionë euro të shpenzuara për përforcime, duke ndërhyrë në disa reparte të skuadrës. Blerja më e shtrenjtë ishte Yan Diomande për 125 milionë euro, ndërsa në Madrid u transferuan edhe Marc Cucurella, Carlos Espi dhe Denzel Dumfries. Ndërkohë, Ibrahima Konate dhe Bernardo Silva iu bashkuan ekipit si lojtarë të lirë.

“Los Blancos” arkëtuan mbi 55 milionë euro nga shitjet, ndërsa një prej mangësive të merkatos mbetet mosafrimi i një mesfushori qendror. Klubi kishte synuar përforcimin e këtij reparti, por Rodri zgjodhi transferimin te Barcelona. Tani, përgjegjësia bie mbi Jose Mourinhon, i cili do të synojë të shfrytëzojë maksimalisht skuadrën e rindërtuar dhe investimet e klubit.