Justin Bieber anulon të gjitha koncertet

Muzikë | 02.03.2023 Ora 8:40

Justin Bieber ka anuluar datat e mbetura të turneut të tij botëror “Justice World Tour”.

Këngëtari, i cili mbushi 29 vjeç të mërkurën, mendohet se e ka ndërprerë turneun për shkak të rimëkëmbjes së tij të vazhdueshme nga sindroma “Ramsay Hunt”, raportoi Daily Mail të mërkurën.

Shumë fansa nxituan t'i dërgonin mesazhe mbështetjeje krijuesit të shumë hiteve, duke vënë në dukje se shëndeti i tij është i pari.

Bieber do të duhej tw performonte në Mbretërinë e Bashkuar, Francë, Poloni, Australi, Zelandë të Re, Danimarkë dhe Republikën Çeke gjatë turneut - të gjitha këto tani thonë se janë anuluar në faqet e internetit të shitjes së biletave.

Lajmin e shpalli faqja zyrtare e turneut në Twitter të martën, e cila siguroi fansat se të gjithë do të merrnin rimbursime për biletat e tyre.