Këngëtarja e mirënjohur, Dafina Zeqiri ka paralajmëruar një projekt të ri muzikor.

Këtë herë artistja ka bashkëpunuar me Cricket për të sjell këngën që mban titullin “Harroj”.

Dafina ka publikuar kopertinën e projektit duke zbuluar se i njëjti lansohet ditën e mërkurë shoqëruar me një videoklip.

“Harroj” X Cricket, sot 18:00”, ka shkruar Dafina duke njoftuar po ashtu se kënga do të jetë pjesë e albumit të saj më të ri “Unë jam ajo”.

Mbetet të shihet se çfarë ka përgatitur këtë herë këngëtarja që njihet për hite të shumta, por padyshim do të mirëpritet nga ana e fansave të saj.

Kënga e fundit e Dafinës është “Unë jam ajo x Caviar” që u lansuar në mars të këtij viti dhe që gjithashtu janë pjesë e albumit të saj më të ri.