Radio Plus 102.2 FM

call + 383 44 776 000

Plus n'4

Radio +

102.2FM

Profili

 E Hëne  - E Premte

 16:00 - 18:00

+383 44 776 000

Livestream

Dëgjo Radio Plus Live

FFK publikon rregullat për shikuesit në ndeshjen Kosova - Azerbajxhan

Sport  |  19.11.2018 Ora 15:07   
Kosova nesër do të luajë ndeshjen vendimtare ndaj Azerbajxhanit në Ligën e Kombeve.
 
Stadiumi “Fadil Vokrri” në Prishtinë do të jetë nikoqir i ndeshjes së fundit në fazën e grupeve të Ligës së Kombeve, ku Kosova synon ta mbyll me vendin e parë.
 
Interesimi për këtë takim ka qenë i jashtëzakonshëm dhe të gjitha biletat tashmë janë shitur, por Federata e Futbollit të Kosovës ka vënë disa rregulla të cilat duhen plotësuar për ata që do të jenë nesër në stadium për ta shikuar lojën.
 
Ky është njoftimi i plotë i FFK-së:
 
“Federata e Futbollit e Kosovës njofton opinion publik se dyert e stadiumit “Fadil Vokrri” për ndeshjen Kosova - Azerbajxhani, që zhvillohet në kuadër të Ligës së Kombeve, më datë 20 nëntor 2018, ora 20:45, do të hapen në ora 18:00.
 
Asnjë person, përfshirë edhe fëmijët pavarësisht moshës, nuk do të lejohen të hyjnë në zonën e stadiumit pa biletë.
 
Në hyrjet e stadiumit si dhe brenda stadiumit do të aplikohen masa të rrepta kontrolli prandaj luten të gjithë qytetarët që të lexojnë me kujdes rregullat e mëposhtme dhe t’i respektojnë kërkesat.
 
Qytetarët të cilën nuk i përfillin rregullat e sigurisë mund të jenë subjekt për ndëshkim nga organet ligjore.
 
Rregullat:
 
1. Dyert e stadiumit hapen në ora 18:00.
 
2. Luten qytetarët që të vijnë me kohë në stadium, duke filluar nga ora 18:00 për të shmangur tollovinë.
 
3. Nuk shiten bileta në zonën e stadiumit. Qytetarët të cilët nuk kanë bilete luten të mos vijnë në zonën e stadiumit sepse shkaktojnë tollovi. Qytetarët pa biletë do të largohen nga policia.
 
4. Nuk lejohet hyrja pa biletë. Një bilete një person. Asnjë person, pavarësisht moshës, nuk do të lejohet të hyjë në stadium pa biletë. Kjo vlen edhe për fëmijët.
 
5. Gjërat që nuk lejohen përfshijnë:
 
– Mjetet piroteknike
 
– Shishet e qelqit pavarësisht madhësisë
 
– Shishet e plastikës pavarësisht madhësisë
 
– Pijet alkoolike dhe substancat narkotike
 
– Ushqim i çfarëdo lloji (përveç ushqimit të fëmijëve 24 muajsh) si fara, çipsi, smoki, kikirikë, lajthi, badem, etj.
 
– Ombrella
 
– Armë zjarri ose armë të ftohta apo çfarëdo mjeti tjetër që mund të përdoret si armë
 
– Sende të rënda (çanta shpine, karrige të palodhshme, etj) etj.
 
– Kamera profesionale dhe video kamera
 
– Pajisjet elektronike, mekanike ose manuale, që prodhojnë zhurmë, si megafonë, bori ose vuvuzele
 
– Materialet promovuese ose komerciale
 
– Çdo material promovues racist, ksenofobik, politik, fetar
 
6. Qytetarët njoftohen që, për arsye të sigurisë, nuk lejohet bllokimi i rrugëve të evakuimit në tribuna. Prandaj, ulja në shkallët e stadiumit është rreptësisht e ndaluar”.
 

Komentet

Marketing

Tjera në Sport

Marketing