Lopa nga SHBA-ja shënon rekord botëror

Kuriozitete | 27.06.2023 Ora 8:46

Autoritetet e Guinessit e listuan në mesin e rekordeve një lopë nga Nebraska e Shteteve të Bashkuara të Amerikës. Ajo, që i përket pronares Megan Reimann, arriti t’i kryente 10 lëvizje interesante, shkroi Upi.

Lopa e quajtur “Fantazma”, arrin që brenda një minute të qëndrojë në një pozicion të caktuar, të “puthë” pronaren, të kryejë rrotullim në vend, “t’i japë dorën” Reimannit dhe t'i bëjë disa veprime të tjera

Të gjitha lëvizjet u filmuan nga Guinessi, e dikur u vendos që asaj t’i shënohet një rekord botëror.

“E dija që ‘fantazma’ ishte e veçantë që në momentin e parë që e pashë. Atëherë, vendosa që ajo do ta bënte këtë”, deklaroi pronarja e lopës 4-vjeçare.

Reimann shtoi se ka ushturar për një kohë të gjatë lopën që t’i kryejë këto veprime, ndërsa më parë ka stërvitur edhe kuaj e derra.