Pasi debutoi me gol me Inter Miamin, Lionel Messi ka vazhduar të shkëlqejë edhe në ndeshjen e dytë për ekipin amerikan.

Ylli argjentinas realizoi dy gola dhe dha një asist në fitoren 4:0 të Inter Miamit ndaj Atlanta Unitedit në “Kupën e Ligës”, ku marrin pjesë ekipet amerikane dhe ato meksikane.

Messi shënoi në minutën e tetë dhe të 22-të, ndërsa asistoi në golin e katërt në minutën e 53-të.

36-vjeçari ia siguroi skuadrës së tij fitoren në minutat e fundit në ndeshjen e kaluar ndaj Cruz Azulit.

Messi u transferua në SHBA pas largimit nga PSG-ja.