Drejtori i Byrosë Kosovare të Sigurimit, Sami Mazreku, ka thënë se numri i veturave të paregjistruara në Kosovë krahasuar me dy vitet e kaluara ka rënë dukshëm.

Mazreku në një prononcim për RTKlive, tha nga mbi 230 mijë vetura sa kanë qenë të pa regjistruara ka rënë në 18-19 mijë.

“Pastaj kemi vazhduar me vendosjen e stikersave dhe nga 237 mijë vetura sa kanë qenë para dy viteve tani janë vetëm 18 mijë ose 19 mijë që i bie se mbi 30% ka rënë .Pra qëllimi ka qenë që edhe t'i lehtësojmë procedurat edhe  t'i heqim  barrierat dhe në anën tjetër ne si industri e sigurimeve të lehtësojmë procedurat dhe të mos kemi në trafik vetura të paregjistruara.Stikersat kanë qenë njëfarë ombrelle dhe përfundimi i asaj që ka qenë një hap i fundit që ne t'i ndihmojmë Policisë që këto vetura t'i detektojë dhe t'i dallojë në trafik”, ka deklaruar Mazreku./rtk/