Radio Plus 102.2 FM
call + 383 44 776 000
Dëgjo Radio Plus Live
Këshilli i Prindërve të Komunës së Prishtinës ka reaguar për rimbursimin e mjeteve ndaj prindërve për blerjen e librave shkollorë, duke thënë se që në fillim kjo metodë mund të jetë e dështuar. Ata i kanë bërë thirrje Ministrisë së Arsimit për zgjidhje të shpejtë.
“KPP shprehë brengën e thellë dhe ka mëdyshje në propozimin publik të ministres për të aplikuar ‘Metodën e Rimbursimit’, që është e panjohur dhe e patestuar paraprakisht, dhe si rrjethojë mund të jetë e dështuar që në fillim”, thuhet në reagimin e tyre në Facebook.
KPP ka listuar disa nga arsyet të cilat mund ta çojnë këtë opsion drejt dështimit. Mungesa e qasjes në paisje teknologjike dhe mungesa e llogarive në platformën e-Kosova është një nga to.
“Problem tjetër i identifikuar është mos posedimi i llogarive bankare nga shumë prindër, dhe probleme të tjera që lidhen me kredi apo procese përmbarimore. Andaj, kërkojmë nga Ministria e Arsimit që të gjejë zgjidhje të shpejtë dhe praktike në sigurimin e librave shkollor para fillimit të procesit mësimor, 1 shtatorit”, ka nënvizuar Këshilli i Prindërve të Komunës së Prishtinës./rtk/