Radio Plus 102.2 FM
call + 383 44 776 000
Dëgjo Radio Plus Live
Drejtori i Shërbimeve Publike në Komunën e Prishtinës, Ilirik Musliu, ka folur lidhur me kontratën e Komunës së Prishtinës për blerjen e biçikletave.
Sipas kontratës, komuna ka blerë një biçikletë në vlerë prej 2.744 euro.
Ai ka arsyetuar çmimin duke numëruar disa nga detyrat të cilat përfshihen në kontratë.
“Cost estimation që e kanë punuar konsulentët holandezë është mirë, mirëpo zërat/pozicionet po e bëjnë me u duk kinse çmimi është i shtrenjtë. Se aty hyn biçikleta inteligjente, docking, software, setup, stacioni edhe komplet punimet”, ka thënë ai.
Komuna e Prishtinës ka blerë biçikleta në vlerë prej 500.000 eurove.
“Çmimet njësi të furnizimeve janë paraqitur në ofertën financiare, lista e çmimit e paraqitur nga furnizuesi. Vlera totale indikativë e kontratës për çmim për njësi është 2.744.00 euro”, thuhet në kontratë.
Kontrata “furnizim me biçikleta për kryeqytetin” është nënshkruar nga drejtori i Prokurimit në Komunën e Prishtinës, Visar Shehu më 28.07.2023.
Kompania që do ta furnizojë komunën me biçikleta të cilat do të lëshohen me qira është “LM IT Consulting”.