Cher dhe Alexander 'AE' Edwards kanë ndezur spekulime se ata janë rikthyer bashkë.

Këngëtarja e Believe, 77 vjeç, dhe drejtuesi i muzikës, 37 vjeç, u fotografuan të kapur për dore të premten teksa dilnin nga restoranti Funke në Beverly Hills, Kaliforni pas darkës me këngëtarin kolumbian J Balvin dhe të dashurën e tij Valentina Ferrer.

Ikona e popit u lidh për herë të parë në mënyrë romantike me Aleksandrin në nëntor 2022 pasi u panë të kapur për dore në Los Anxhelos. Ata bënë debutimin e tyre në tapetin e kuq si çift në një shfaqje mode të Versace në mars.

Megjithatë, TMZ raportoi në maj se ata ishin ndarë "disa javë më parë".
Gjatë lidhjes së tyre, çifti kishte lënë të kuptohet se ata ishin fejuar, por një burim i tha gazetës për raportin e ndarjes se ata nuk ishin të fejuar.

Vitin e kaluar, Cher pranoi se marrëdhënia e tyre dukej e çuditshme në letër për shkak të diferencës së moshës 40-vjeçare, por ajo u përgjigj në X/Twitter se nuk i intereson se çka mendojnë të tjerët.