Këngëtarja me famë botërore, Dua Lipa do të jetë pjesë e filmit më të ri “Argylle”.

Në këtë film ajo do të luajë përkrah yjeve të filmave si John Cena, Ariana DeBose, Bryan Cranston, Catherine O’Hara dhe legjendarit Samuel L. Jackson.

Në trailerin e publikuar të enjten mbrëma, Dua është protagoniste së bashku me aktorin britanik Henry Cavill të njohur për rolin e tij të Supermanit.

Dua, në bazë të skenave të publikuara, do të ketë një rol antagonist, por që do të shënojë debutimin e saj në aktrim.
Filmi do të jetë gati për t’i pushtuar kinematë botërore nga shkurti i vitit të ardhshëm.