Kryetari i Prishtinës, Përparim Rama, bashkë me ambasadorin jorezident të Japonisë në Kosovë, Ryuta Mizuuchi, kanë përuruar parkun e lagjes “Arbëria”.

Përmes një postimi në Facebook, Rama ka njoftuar se parku ka marrë emrin e ish-kryeministrit të Japonisë, Shinzo Abe.

“Nder i madh për Kryeqytetin që bashkë me Ambasadorin jorezident të Japonisë në Kosovë, Ryuta Mizuuchi, të përurojmë parkun e lagjes ‘Arbëria’ me emrin e ish kryeministrit të Japonisë, mikut të madh të Kosovës, Shinzo Abe”, ka shkruar ai.

Tutje, ai ka thënë se shndërrimi i kësaj hapësire në park sipas arkitekturës japoneze, do t’iu mundësojë qytetarëve që të kenë më shumë hapësira të gjelbra, rekreative dhe qasje më të shpejtë në qendrën e qytetit.

Ish-kryeministri japonez Abe ka vdekur në korrik të vitit të kaluar, pasi ishte qëlluar me armë zjarri teksa po mbante një fjalim para qytetarëve në fushatë elektorale.

Sulmuesi i dyshuar ishte një burrë rreth të 40-ave, i cili u arrestua në vendngjarje.

Abe është kryeministri më jetëgjatë në historinë e Japonisë, pasi ka shërbyer gjatë viteve 2006/2007, pastaj përsëri nga 2012/2020, kur dha dorëheqje duke përmendur sëmundjen kronike, kollitjen. /Telegrafi/