Fruti "Hops" në vendet kryesore evropiane prodhuese të birrës si Gjermania, Republika Çeke dhe Sllovenia po piqet më herët dhe po prodhon më pak që nga viti 1994, zbuluan shkencëtarët. Dhe, ndoshta më alarmante për adhuruesit e Birres në botë që kanë filluar të humbasin komponentin e tyre kritik të hidhur.

Rendimentet e "HOPS" mund të bien deri në 18% deri në vitin 2050, dhe përmbajtja e tyre e acidit alfa – që e bën birrën të hidhur – mund të ulet deri në 31% për shkak të kushteve më të nxehta dhe më të thata, sipas një studimi të botuar të martën në revistën Nature Communications.

Gjetjet i shtohen një liste në rritje të gjërave që kërcënon kriza klimatike, por njerëzit i marrin si të mirëqena, tha Miroslav Trnka, bashkëautor i studimit dhe studiues në Institutin e Kërkimit të Ndryshimit Global.

“Një nga motivet anësore të këtij studimi ishte të ilustronte se si ndryshimi klimatik mund të jetë i rëndësishëm edhe për ata që mendojnë se nuk ka rëndësi”, tha Trnka për CNN. “Ne me të vërtetë po shohim ndryshime që po ndikojnë në gjërat që ne i vlerësojmë. Ndryshimi i klimës me të vërtetë mund të ketë një efekt mbi to, ose të paktën të ketë një efekt në mallrat që janë kritike për prodhim.”

Kafeja gjithashtu është në rrezik. Starbucks po punon për zgjidhje

Pirja e birrës ka ekzistuar që të paktën 3100 para Krishtit, vëren studimi. Tani, secili nga përbërësit bazë të birrës së sotme – uji, elbi, majaja dhe HOPS – janë të kërcënuar nga ngrohja globale.

"Me ndryshimin e klimës që prek një numër të madh të kulturave bujqësore, nuk jam i befasuar," tha Douglass Miller, një lektor i lartë në menaxhimin e ushqimit dhe pijeve në Universitetin Cornell, i cili nuk është i përfshirë në studim.

“Hops"-i janë gjithashtu bimë të vështira dhe mund të ketë disa dështime të të korrave,” tha Miller, gjë që mund t'i shtyjë prodhuesit e birrës të punojnë me profile të ndryshme shije nga llojet e tjera.

Studiuesit përdorën të dhënat e motit dhe modelet klimatike për të analizuar se si bimë evropiane është ndikuar dhe do të ndikohet nga ndryshimet klimatike midis viteve 1970 dhe 2050, duke supozuar se reshjet ulen dhe temperatura rritet.

Temperaturat përvëluese tashmë e kanë zhvendosur fillimin e sezonit të rritjes së kësaj bime me 13 ditë nga viti 1970 në 2018, sipas studimit. Rritja e fidaneve të reja nga bima e "HOPS" zakonisht ndodh gjatë pranverës, por që nga viti 1995, studiuesit zbuluan se kjo po ndodh më herët në rajonet e analizuara se vitet e mëparshme.

Ky fillim i hershëm shkakton korrje të hershme, të cilat mund ta bëjnë më të vështirë për kultivuesit e e kësaj bime të planifikojnë operacionet e vjeljes dhe përpunimit. CNN