Radio Plus 102.2 FM
call + 383 44 776 000
Dëgjo Radio Plus Live
Dje ka hyrë në fuqi vendimi ku disa autobusë të Trafikut Urban, në Prishtinë, kanë ndryshuar linjat e qarkullimit.
Trafiku Urban e ka ndryshuar itinerarin e udhëtimeve. Linja 1 më nuk do të sjellë udhëtarë nëpër qendër të qytetit, pasi destinacion të fundit i ka banesat e bardha në Kodrën e Diellit.
“Me këtë lini që e kanë ndryshuar shumë keq. As kemi lidhje me spital, as me asgjë. Nga këtu jemi lidhur me të gjitha rrugët kryesore. Jam duke e pritur për Fushë- Kosovë qe gjysëm ore”, tha një udhëtar.
Vështirësi me linjat patën edhe disa udhëtarë të tjerë.
RTK ka përcjellë itinerarin e linjës numër 1, ku nga Fushë-Kosova deri në Dardani, linja mbetet e njëjtë. Ndryshimet ndodhin nga stacioni i Dardanisë, ku linja vazhdon drejt Qendrës së Studentëve, pastaj te Fakulteti Teknik, në Rrugën B e deri te Banesat e Bardha.
Vendimin për ndryshimin e linjave të autobusëve e arsyeton drejtori i Shërbimeve Publike, Ilirik Musliu.
“Ideja është që sa më shumë Brenda kryeqytetit me përfshirë sa më shumë lagje. Kemi pasur një organizim jo të mirë, andaj u dashtë domosdoshmërisht të bëhet ky intervenim”
Musliu tha se viti 2024 do të jetë vit i transportit publik, ku pritet shtimi edhe i shumë autobusëve dhe i linjave të reja.