Down Syndrome Kosova, përkatësisht dega në Mitrovicë, ka bërë hapjen e lokalit të gastronomisë si mundësi punësimi për anëtarët e vet.

E quajtur simbolikisht "Bistro X 21", do të jetë adresë e zhvillimit profesional për personat me down syndrome.
“Bistro X21' krijon mundësi të aftësimit profesional të personave me sindromën Down duke ju krijuar mundësi punësimi. Gjithashtu, kjo hapësirë do të shërbejë si vendtakim divers për të gjithë, ambient në të cilin mund të shijoni kafe, pije dhe ushqim të shijshëm e të shëndetshëm", thuhet në njoftimin e organizatës.  Ata kanë bërë thirrje për mbështetje nga komuniteti mitrovicas.