Victoria Beckham ka treguar se ishte ngacmuar shumë në shkollë dhe kishte luftuar për të bërë miq.

Dizajnerja e modës, 49 vjeçe, foli për fëmijërinë e saj për të shënuar ‘Javën Kundër Bullizmit’, ndërsa postoi disa foto në rrjetet sociale të dielën.

Ndërsa u hap për eksperiencën që përjetoi, ajo lavdëroi vajzën e saj ‘të fortë dhe të kujdesshme’.

Ajo ndan fëmijët: Brooklyn, 24 vjeç, Romeo, 21 vjeç, Cruz, 18 dhe Harper, 12 vjeçe me bashkëshortin e saj, David, 48 vjeç.
“Bëhu më e mira në klasë! Jam shumë krenare që kam rritur një vajzë të fortë dhe të kujdesshme”, shkroi Victoria në Instagram.

“Duke u rritur, jam bullizuar shumë në shkollë dhe shpesh i them Harperit se sa e rëndësishme është të jesh e sjellshme dhe ta mbrosh dikë që është ngacmuar ndonjëherë – veçanërisht nëse ka ndonjë vajzë tjetër të vogël vetëm në shesh lojërash, sepse kjo ishte dikur mamaja e saj”.

“Këtë Javë #AntiBullying është kaq e rëndësishme që të mos heshtësh nëse dikush është vetëm ose po ngacmohet”, tha mes tjerash ajo.

Ajo ndau gjithashtu një video të shkurtër nga një intervistë me Aleancën Anti-Bullying, ku zbuloi se e mësoi të bijën të jetë e sjellshme me të gjithë.

“E ka të lehtë të bëjë miq. Unë kurr nuk kam bërë”, tha mes tjerash Beckham.