Mark Cuban beson se koha e tij në Shark Tank po i vjen fundi.

Biznesmeni miliarder, 65 vjeç, zbuloi se nuk do të rikthehet në serialin ABC pas sezonit të 16-të.

"Ky është viti ynë i 15-të dhe viti i ardhshëm, viti ynë i 16-të, do të jetë viti im i fundit," tha ai në podcastin All the Smoke. "Kështu që kam edhe një vit përpara."

Ai u tha prezantuesve Matt Barnes dhe Stephen Jackson se ndjen se "është koha" për të lënë serialin pasi u shfaq për herë të parë si mysafir në sezonin 2 dhe u bashkua me kohë të plotë në sezonin e tretë.

Megjithëse Cuban këmbënguli se sezoni i 16-të do të ishte i fundit, largimi i tij nuk është konfirmuar ende nga rrjeti.