Kuvendi komunal i Prishtinës ka marrë vendim që qytetarët të lirohen nga taksa në transaksion të pronës së paluajtshme.

Kryetari i Prishtinës,Përparim Rama, ka thënë se kryeqytetasit e kanë merituar që moti këtë të drejtë.

“Me shumicë votash të këshilltarëve komunal është miratuar propozimi ynë që të shfuqizohet rregullorja në të cilën parashihej taksa në transaksion të pronës së paluajtshme e që kishte vlerën 150 euro”, ka shkruar Rama në Facebook .

Sipas tij, ky vendim përbën një lehtësim esencial për bartjen dhe rregullimin e pronave.

“Kryeqytetasit e kanë merituar që moti këtë të drejtë, e cila përbën lehtësim esencial në bartjen dhe rregullimin e pronave të tyre. Pa taksa të panevojshme e pa pengesa administrative”, ka shkruar Rama.