Ministria e Financave ka njoftuar se ka ekzekutuar pagat e muajit dhjetor për sektorin publik. Në një shkrim në Facebook, ministri Hekuran Murati ka bërë thirrje që të festohet me produkte vendore.

“Festoni me produkte vendore! Sot kemi ekzekutuar edhe pagat e muajit dhjetor për sektorin publik, duke përmbyllur kështu vitin fiskal sa i përket shpenzimeve”, ka shkruar Murati në Facebook.

Ai ka thënë se blerja e produkteve vendore do të ndikonte në forcim të ekonomisë e rritje të punësimit.

“Do të ishte mirë që secili prej nesh të japim kontribut në forcimin e ekonomisë duke blerë sa më shumë prodhime vendore, sidomos në kohë festash si tani. Sa më shumë produkte vendore që blejmë, aq më shumë rritet punësimi e ekonomia. E kjo pastaj na mundëson që të rrisim buxhetin, e me më shumë buxhet rriten edhe pagat dhe mbështetja për të gjithë qytetarët”, ka shkruar ai në Facebook./koha/