Këngëtarja me famë botërore, Ariana Grande, do të kthehet në skenë pas një pauzë të gjatë.
Ylli 30-vjeçar ka konfirmuar se do të lansojë albumin e ri, të shtatin me radhë, në vitin 2024.

Gjatë së mërkurës Grande ka ndarë disa fotografi në Instagram duke ju treguar fansave se ka qenë duke kaluar kohë në studio duke incizuar këngë bashkë me producentin Ilya Salmanzadeh.

“Shihemi vitin tjetër”, ka shkruar ajo në postim.

“Dy disponimet e albumit”, ka shkruar Grande në përshkrimin e fotografive në postimin e saj në InstaStory. Në njërën prej tyre shihet duke qarë e në një tjetër shihet duke kërcyer përderisa flet me “facetime” me një shoqe.