“Sunny Hill” duket se është gati të rikthehet këtë verë, për edicionin e tij të radhës.
 
Festivali, që ka sjellë disa nga emrat më të mëdhenj të muzikës botërore në Prishtinë, ka njoftuar në rrjete sociale rikthimin.
Ndonëse është akoma herët për të zbuluar detaje, ky edicion premton shumë.

“Sunny Hill” gjithashtu është listuar si njëri ndër pesë festivalet më të mira të cilat nuk duhet humbur në Evropë.
Në vitin 2022, koncerti përveç në Prishtinë është mbajtur edhe në Tiranë.

Në Kosovë u organizua në fillim të gushtit, ndërkohë që në Tiranë datat e rezervuara ishin: 26, 27 dhe 28 gusht.
Disa nga yjet e famshëm të pranishëm në “Sunny Hill Festival 2022” ishin: J Balvin, Diplo, Skepta, AJ Tracey, Mahmood, Burak Yeter etj.