Zëdhënësi i Komisionit Qendror të Zgjedhjeve, Valmir Elezi, ka njoftuar se në proceset e ardhshme zgjedhore, numërimi i fletëvotimeve në vendvotim mund të vëzhgohet nga mediat e akredituara.

Sipas njoftimit të Elezit, ato do të lejohet të filmojnë dhe fotografojnë.

Tutje Elezi ka falënderuar anëtarët e KQZ-së që kanë mbështetur propozimin që kjo të përfshihet si nen i veçantë në Rregulloren Zgjedhore për vëzhguesit e zgjedhjeve.

“Për zbatim më të lehtë, me kohë do të përgatitet edhe Udhëzuesi për Vëzhguesit me sqarime të detajuara”, ka shtuar ai./koha/