Në emisionin e mëngjesit në Radio Plus ishte i ftuar Kastriot Orana, kryetari i Klubit të Pingpongut Priping, i cili ka ndarë detaje të frytshme për turneun ndërkombëtar "Prishtina Open 2024", i cili do të zhvillohet në Pallatin e Rinisë në Prishtinë.

Në datat 7, 8 dhe 9 qershor, Prishtina do të jetë vendi ku më shumë se 250 lojtarë të pingpongut nga e gjithë bota do të përballen në sfidën për titullin e turneut.

Kategoritë e ndara sipas moshës do të sigurojnë një përvojë të madhe sportive për të gjithë pjesëmarrësit. Kastrioti Orana ka theksuar se ky turne është një mundësi e jashtëzakonshme për të promovuar sportin e pingpongut dhe për të bërë që emri i Prishtinës të dëgjohet nëpër botë.

Organizimi i turneut është bërë me pasion dhe përkushtim nga ekipi i PRiPING në Prishtinë, duke siguruar një ambient të këndshëm dhe dinamik për të gjithë pjesëmarrësit dhe spektatorët.

Të gjithë të interesuarit për të marrë pjesë në këtë ngjarje të madhe sportive mund të marrin informacione më të detajuara në faqen zyrtare të klubit.