Sabrina Carpenter bëhet pjesë e lojës Fortnite me këngë dhe veshje ekskluzive

Muzikë | 08.04.2025 Ora 14:14

Fansat e Sabrina Carpenter tani mund të bëhen pjesë e botës së saj muzikore përmes lojës Fortnite, edhe nëse nuk kanë mundur të ndjekin turin e saj “Short N’ Sweet” nga afër.

Prej sot (8 prill 2025), në kuadër të sezonit të 8-të të Fortnite Festival, janë të disponueshme për blerje në dyqanin e lojës këngët hit “Please Please Please” dhe “Taste” nga albumi i saj më i fundit.

Gjithashtu, në lojë shfaqet vetë Sabrina si një version vizatimor me disa nga veshjet e saj ikonike.

Në një prononcim për Rolling Stone, këngëtarja u shpreh: “Është emocionuese të shoh fansat të angazhohen me muzikën përmes formave të ndryshme arti dhe në mënyra që janë vërtet argëtuese.”