Leslie Odom Jr. rikthehet në “Hamilton” pas 9 vitesh

Film | 15.04.2025 Ora 8:48

Një nga yjet origjinalë të super-musikalit Hamilton po rikthehet në skenën e Broadway. Leslie Odom Jr., i cili fitoi famë botërore me interpretimin e tij të Aaron Burr, do të rikthehet në këtë rol pas nëntë vitesh largimi.

Lajmi u bë i ditur nga llogaria zyrtare e Hamilton në X (ish-Twitter), ku Odom Jr. u përshkrua si “i paimitueshmi, origjinali, Aaron Burr”. Ai do të performojë në Broadway për një periudhë të kufizuar, nga 9 shtatori deri më 23 nëntor 2025.

Musikali Hamilton, i shkruar nga Lin-Manuel Miranda, debutoi në Broadway në vitin 2015 dhe u bë një fenomen kulturor falë stilit të tij të veçantë që kombinon historinë amerikane me hip-hop, R&B dhe soul. Roli i Aaron Burr është një nga më të rëndësishmit në shfaqje dhe rikthimi i Odom Jr. pritet me shumë entuziazëm nga publiku