Filmi horror “Together”, me protagonistët Alison Brie dhe Dave Franco, ka humbur vlerësimin perfekt prej 100% në Rotten Tomatoes vetëm disa ditë para daljes në kinema. Pas premierës në Sundance Film Festival në janar, ku u prit me entuziazëm për qasjen unike që ndërthur romancën me horrorin trupor, filmi ruajti për gjashtë muaj një rekord të padiskutueshëm.

Sidoqoftë, një kritikë negative nga Fred Topel i United Press International e uli vlerësimin në 98%. Kritikës i pëlqyen efektet fizike dhe interpretimi, por e quajti të ngadaltë zhvillimin e ngjarjes dhe të klishetë temat rreth marrëdhënieve.

Pavarësisht kësaj, “Together” mbetet një ndër kandidatet kryesorë për filmin horror më të mirë të vitit. Krahasimi me rastin e famshëm të “Citizen Kane” – që gjithashtu humbi notën e përsosur për shkak të një kritike të vetme – tregon se suksesi i një filmi nuk matet me një vlerësim të vetëm.

Premiera e “Together” është më 30 korrik në kinematë ndërkombëtare.