Aktori i njohur Chris Hemsworth rikthehet në sezonin e dytë të dokumentarit “Limitless: Live Better Now”, i cili do të transmetohet më 15 gusht në Disney+. Këtë herë, në vend të sfidave vetëm fizike, Hemsworth eksploron anën emocionale dhe personale të jetës - nga të mësuarit e një instrumenti muzikor me Ed Sheeran, te ngjitja e një diga alpine dhe reflektimi mbi rrezikun e trashëguar për Alzheimer.

Pas suksesit të sezonit të parë, aktori australian thotë se kjo përvojë i ka hapur më shumë pyetje sesa përgjigje. Ai shprehet se dëshiron të jetojë më gjatë dhe më mirë, por pa u izoluar nga jeta e vërtetë dhe njerëzit që do.

Në kontrast me figurat si Bryan Johnson që investojnë miliona për të ndalur plakjen, Hemsworth thotë se vdekja është ajo që na ndihmon të çmojmë më shumë momentet që kemi dhe njerëzit që na rrethojnë. “Nuk mund të jetojmë e të lulëzojmë vetëm,” thotë ai, ndërsa thekson se marrëdhëniet dhe familja janë thelbësore në jetën e tij.

Hemsworth vazhdon të mbetet aktiv edhe në aktrim – pritet të rikthehet si Thor në filmin Avengers: Doomsday në dimrin e vitit 2026.