Turizmi i së ardhmes: Taksa të reja për mbrojtjen e klimës

Të Tjera | 05.08.2025 Ora 8:07

Në përballje me rritjen e katastrofave natyrore dhe dëmtimeve klimatike, shumë destinacione turistike po zbatojnë tarifa të reja për vizitorët.

Në vitin 2024, Greqia zëvendësoi taksën e mëparshme të qëndrimit me një Climate Crisis Resilience Fee, që arrin deri në 20 euro për natë në sezonet e ngarkuara. Hawaii aplikon një Green Fee për të financuar rehabilitimin pas zjarreve dhe mbrojtjen e resurseve natyrore. Bali, Maldivet dhe Zelanda e Re kanë bërë hapa të ngjashëm përmes tarifave që mbështesin infrastrukturën e qëndrueshme dhe ruajtjen e ekosistemeve.

Hulumtimet tregojnë që shumica e udhëtarëve janë të gatshëm të paguajnë më shumë për të udhëtuar në mënyrë të qëndrueshme – por kërkojnë transparencë se si shfrytëzohen këto fonde.

Këto tarifa nuk janë thjesht pagesa shtesë - janë pjesë e një modeli të ri të turizmit, që kërkon nga vizitorët të jenë pjesë aktive e mbrojtjes dhe ruajtjes së destinacioneve që i vizitojnë.