Australia do të ndalojë YouTube për fëmijët nën 16 vjeç

Të Tjera | 05.08.2025 Ora 8:26

Nga dhjetori, Australia do të ndalojë qasjen e fëmijëve nën 16 vjeç në rrjetet sociale, duke përfshirë tani edhe YouTube në listën e platformave të kufizuara. Legjislacioni do të detyrojë kompanitë teknologjike të ndalojnë krijimin e llogarive nga të miturit, përndryshe do të përballen me gjoba që shkojnë deri në 32 milionë dollarë amerikanë.

Fillimisht, YouTube ishte trajtuar si platformë me vlera edukative, por një sondazh i mbështetur nga qeveria zbuloi se 37% e fëmijëve kishin hasur përmbajtje të dëmshme në të — përfshirë sfida të rrezikshme, mizogjni dhe promovim të jetesës së pashëndetshme.

YouTube Kids nuk përfshihet në ndalesë. Google, kompania mëmë e YouTube-it, ka kritikuar vendimin, duke thënë se bie ndesh me zotimet e mëparshme të qeverisë.

Sipas ministres Anika Wells, lejimi i fëmijëve të lëvizin të pashqetësuar në rrjete sociale është njësoj si t’i dërgosh në det me peshkaqenë.